अध्याय सोळावा – दैवासुरसंपद्विभाग योग
ऐकव गीते तुझी कहाणी, निर्मळ निर्मळ तुझी वाणी
आत्मरुप असता आपण देहापुरतेच पाहु नका
कर्म, ज्ञान, भक्ती असले नसते कप्पे पाडू नका
समग्र जीवन आहे योग हरिशी नाते जोडाया
एक एक दैवी गुण जोडा घाला भरभक्कम पाया
सद्गुण दुर्गुण कट्टर वैरी सुरासुरांचा संग्राम
पराक्रमाने पुण्यापाठी सदैव ठाकावे ठाम
सत्यमेव जयते ना चाले धूर्तांची फसवाफसवी
दुष्टांचे निर्दालन हेही शुद्ध अहिंसा समजावी
विवेक हृदयी ज्याच्या त्याच्या विचार सुदर बुद्धीत
आचाराने लहान थोरां तत्त्वे उत्म पटतात
जीवन म्हणजे प्रयोगशाळा, बुरे टाकुनी भलेच घ्या
संस्कारांनी घडतो मानव, तप आचरुनी उजळू द्या
संस्कृति सत्ता संपत्तीवर केंद्रित आसुरी संपत्ती
सदाचारणा सज्जन सोडत त्यांची दैवी संपत्ती
स्वर्ग नरक या दोन अवस्था सांग मानवा काय हवे
असुर व्हायचे का सुर तुजला, तुझे तूच ते ठरवावे
दैवी गुण रे तुझ्यात वसती, खेद नको अर्जुना तुला
तुझ्यात मी, माझ्यात तूच तू याचा अनुभव येत मला
काम क्रोध नरकाची दारे दक्ष रहा तू दूर राहा
संयम पाळून हो आनंदी स्वरुपास नित पहापहा
जननीहून ही वाहे चिंता अपुल्या पोराबाळांची
म्हणून आवर्जून जन आपण ऐका कहाणी गीतेची ऐका कहाणी गीतेची
No comments:
Post a Comment