घालू या सूर्यनमस्कार सर्वदा! ध्रु.
रवितेजे उजळे तन
रवितेजे उजळे मन
निर्धारे निर्दालू सकल आपदा!१
नामे ती मनि येता
रसभरिता हो कविता
नमन घडे ती घटिका पूर्ण सौख्यदा!२
साधनात सांघिकता
समुदायी विरघळता
गगनधरांशी जवळिक परममोक्षदा!३
घामाने तन भिजले
वदनावर स्मित फुलले
श्वसनी येते सुरेल तालबद्धता!४
भक्तीला तन साधन
नमनाने मन पावन
योग येत जुळुन असा प्रभो सर्वदा!५
रचयिता - श्रीराम बाळकृष्ण आठवले
No comments:
Post a Comment