मंदिर हे नरसिंहाचे केंद्रच संस्कारांचे!

ऑडिओ - मंदिर हे नरसिंहाचे

मंदिर हे नरसिंहाचे
केंद्रच संस्कारांचे! ध्रु.

सकलजनांनी येथे यावे
'दर्शन' घेउन कृतार्थ व्हावे
नाम वदावे वाचे!१

'श्रीनारायण' मंत्र लाभता
तनी वज्रता मनी अभयता
साधक जन भाग्याचे!२

परमात्मा सर्वत्रच आहे
अंतरि आहे, भवती आहे
स्थान असे भजनाचे!३

येथे यावे, घ्यावा अनुभव
प्रल्हादाचे श्रद्धावैभव
आपण मिळवायाचे!४

श्रोता वक्ता समरसताना
इथे तजेला क्षणसुमनांना
निधान हे सौख्याचे!५

रचयिता: श्रीराम बाळकृष्ण आठवले