सखाच असशी म्हणुनि अर्जुना विज्ञानासह मी ज्ञान
कथितो तुजला असे विवरुनी ऐकताच तू सज्ञान!१
जिज्ञासा तव मला आवडे, कथितो तैसे आचरिशी
साधन घडता योगाचे तू ओळखशी मज ओळखशी!२
मणि ओवावे एका सूत्री मणिमाला ती एक असे
मजविण कोणी जगी न दुसरे स्थावर जंगम मीच असे!३
त्रिगुणांनी जग मोहित झाले कोण ओळखे कसे मला
गुणातीत मज पूर्ण जाणतो दैवी माया तो तरला!४
मायेने जे झपाटलेले ज्ञाना मुकले दैत्यच ते
ते पापी मज कसे पावती आत्मघातकी ठरती ते!५
पुण्यशील जे नित्ययुक्त ते भाविक ज्ञानी बनतात
मी त्यांचा ते माझा ऐसा भाव जगतो हृदयात!६
अचला श्रद्धा मीच देतसे जैसी श्रद्धा लाभ तसा
जे माझे ते मलाच मिळती भक्तीचा भरवसा असा!७
जरामरणभय त्यांचे सुटले आश्रयास ते आलेले
ते योगी ते ज्ञानी त्यांनी ब्रह्माला त्या आपणिले!८
रचयिता : श्रीराम बाळकृष्ण आठवले
कथितो तुजला असे विवरुनी ऐकताच तू सज्ञान!१
जिज्ञासा तव मला आवडे, कथितो तैसे आचरिशी
साधन घडता योगाचे तू ओळखशी मज ओळखशी!२
मणि ओवावे एका सूत्री मणिमाला ती एक असे
मजविण कोणी जगी न दुसरे स्थावर जंगम मीच असे!३
त्रिगुणांनी जग मोहित झाले कोण ओळखे कसे मला
गुणातीत मज पूर्ण जाणतो दैवी माया तो तरला!४
मायेने जे झपाटलेले ज्ञाना मुकले दैत्यच ते
ते पापी मज कसे पावती आत्मघातकी ठरती ते!५
पुण्यशील जे नित्ययुक्त ते भाविक ज्ञानी बनतात
मी त्यांचा ते माझा ऐसा भाव जगतो हृदयात!६
अचला श्रद्धा मीच देतसे जैसी श्रद्धा लाभ तसा
जे माझे ते मलाच मिळती भक्तीचा भरवसा असा!७
जरामरणभय त्यांचे सुटले आश्रयास ते आलेले
ते योगी ते ज्ञानी त्यांनी ब्रह्माला त्या आपणिले!८
रचयिता : श्रीराम बाळकृष्ण आठवले
No comments:
Post a Comment