आरती श्रीगीतेची

आरती श्रीगीते, तू प्रसाद देते
मोह जातो दूर देशा आत प्रभात होते ! ध्रु.

तुझे नाव सार्थ आई तुज गाई सदा मी
समस्या न उरे काही ऐसा अनुभव येई ! १

कर्ता मी न कळो आले माझे मीपण गेले
फली नुरे लेश आस मन विरक्त झाले ! २

भोग देह सुखे भोगो त्याचा लेप कशाला?
सोसण्यात सुख सारे शांति वाटे जिवाला ! ३

नर होय नारायण यत्न हवा कराया
अल्प स्वल्प सत्कार्य कधि न जाई वाया ! ४

नित्य नवे गीता बोले रामे ऐकावे नित्य
श्रवणेहि जाती दोष हे त्रिवार सत्य ! ५

- श्रीराम बाळकृष्ण आठवले