काळोखल्या मनात नैराश्य घोर येत
"होईल काय, कैसे" छळते जिवास खंत
मज मीच तारणारा हुंकार स्पष्ट आला
तेव्हा मनामनात 'श्रीकृष्णजन्म' झाला!
जड बंधनात जीव सुखदुःख हे चपेटे
सोशी जरी कसेही भजना बसेच नेटे
कोणा कसे न ठावे आनंद दाटलेला
तेव्हा मनामनात 'श्रीकृष्णजन्म' झाला!
कोणी न राव रंक नर नारी नाहि भेद
असु दे स्थिती कशीही नाहीच खंत खेद
द्वंद्वात ना जराही हा जीव गुंतलेला
तेव्हा मनामनात 'श्रीकृष्णजन्म' झाला!
अज्ञान घोर ग्रासे कर्तव्यबुद्धि जाई
मी देह भावनेने तो अश्रुपूर येई
वाक्ताडने कठोर ये जागृती जिवाला
तेव्हा मनामनात 'श्रीकृष्णजन्म' झाला!
स्वातंत्र्य संकटात तो ऐक्यभाव जागे
ही मातृभूमि माझी आज्ञेत वृंद वागे
आव्हान पेलण्या हे हा देश ठाकलेला
तेव्हा मनामनात 'श्रीकृष्णजन्म' झाला!
रचयिता : श्रीराम बाळकृष्ण आठवले
"होईल काय, कैसे" छळते जिवास खंत
मज मीच तारणारा हुंकार स्पष्ट आला
तेव्हा मनामनात 'श्रीकृष्णजन्म' झाला!
जड बंधनात जीव सुखदुःख हे चपेटे
सोशी जरी कसेही भजना बसेच नेटे
कोणा कसे न ठावे आनंद दाटलेला
तेव्हा मनामनात 'श्रीकृष्णजन्म' झाला!
कोणी न राव रंक नर नारी नाहि भेद
असु दे स्थिती कशीही नाहीच खंत खेद
द्वंद्वात ना जराही हा जीव गुंतलेला
तेव्हा मनामनात 'श्रीकृष्णजन्म' झाला!
अज्ञान घोर ग्रासे कर्तव्यबुद्धि जाई
मी देह भावनेने तो अश्रुपूर येई
वाक्ताडने कठोर ये जागृती जिवाला
तेव्हा मनामनात 'श्रीकृष्णजन्म' झाला!
स्वातंत्र्य संकटात तो ऐक्यभाव जागे
ही मातृभूमि माझी आज्ञेत वृंद वागे
आव्हान पेलण्या हे हा देश ठाकलेला
तेव्हा मनामनात 'श्रीकृष्णजन्म' झाला!
रचयिता : श्रीराम बाळकृष्ण आठवले
No comments:
Post a Comment