आरती रेणुका मातेची ..

जय देवी जय देवी रेणुका माते
आरती गाण्याला भाविक आतुरते!ध्रु.

सकाळी दुपारी संध्याकाळीही
तुझाच आधार पाठीशी राही
तुझेच स्मरण नित्य तारते!१

अवती भवती जनी विजनी
डोंगर दऱ्यात तसे गगनी
बघू जाता तुझे दर्शन घडते!२

चालता बोलता देऊळ आले
चिंता क्लेश दूर देशांना गेले
भक्तांच्या मनात आले भरते!३

आरोग्य देहाचे तसे मनाचे
भान राहाणे एकपणाचे
रामाचे भाबडे मन मागते!४

रचयिता : श्रीराम बाळकृष्ण आठवले