कडाड कड कड ध्वनी उमटले, स्तंभ दुभंगुन प्रभु प्रकटले..

कडाड कड कड ध्वनी उमटले
स्तंभ दुभंगुन प्रभु प्रकटले!ध्रु.

सिंहगर्जना कानी आली
ना भी ना भी मजला गमली
तातांना निज अंकी घेतले!१

सत्य जधी ये आकाराला
असत्य झाले लोळागोळा
शौर्यापुढती क्रौर्य पांगळे!२

तीक्ष्ण नखांनी पोट फाडले
धुळीत आता पातक लोळे
अभावितपणे कर हे जुळले!३

अशिवाच्या संहारासाठी
अवतरलासे श्रीजगजेठी
पुण्य फळाला आले आले!४

रचयिता : श्रीराम बाळकृष्ण आठवले
(भक्त प्रल्हाद श्री नृसिंह प्रकटल्यावर म्हणत आहे अशी कल्पना आहे)