रँड नव्हे कंसच जणु आज मारला
सूड घेतला!ध्रु.
प्लेगाने जन पिडिले,
आंग्लांनी नाडियले
जुलुम्यांनी जनतेचा अंत पाहिला!१
सत्ता जयघोष करी
जाचते गुलामगिरी
हिंदू नच षंढ कुणी प्रत्यय दिधला!२
शिशुपाला रयत स्मरे
आज घडा पूर्ण भरे
कृष्णाने रिपुवर्मी घाव घातला!३
सत्तेचा दीपोत्सव
रँडासी परि रौरव
नरकाचा मार्ग त्यास खुला जाहला!४
अबलांचा कैवारी
दामोदर तापहरी
या धैर्या साहसास ना कुठे तुला!५
अन्याया ठेचले
भीमशौर्य दाविले
अभिमाने ऊर भरत तरुण चेतला!६
मृत्यूभय नच शिवले
मरणासी चुंबियले
अमरत्वे नरवीरा हार घातला!७
रचयिता : श्रीराम बाळकृष्ण आठवले
१२.५.१९७३
No comments:
Post a Comment