आवर्तन चालू ठेव....

ही गणेशभक्तीची ठेव
आवर्तन चालू ठेव!ध्रु.

एकेक पाठ जधि होई
श्रीगणेश अंतरि येई
सद्भाव जागता ठेव!१

जे मंगल करि मंगल ते
नैराश्यतिमिर घालवते
अनुभव हा देतो देव!२

तू अजिंक्य होशी वक्ता
तू स्वयेच पातकहर्ता
वज्राक्षर कोरुनि ठेव!३

जे संघटनेला जमते
व्यक्तीला अवघड गमते
जनसमूह असतो देव!४

मन सुमन करुनि अर्पावे
सुस्वर तू भावे गावे
उपनिषदा जाणुनि ठेव!५

रचयिता : श्रीराम बाळकृष्ण आठवले.
(अथर्वशीर्षावरील काव्यातील ही भैरवी)