पावसची ओढ मना फार लागली..

पावसची माहेराची ओढ

नरनारी जिथे हरिरूप जाहली
पावसची ओढ मना फार लागली!ध्रु.

स्वामींच्या जन्मघरी जरा बसावे
बालरूप स्वामींचे मने पहावे
माला स्मृतिचित्रांची दिसू लागली!१

सबब नका सांगू कसलीच रे कुणी
श्वासाविण जगते का भूतली कुणी
चल आता लवकर निघ याच पावली!२

ॐ राम कृष्ण हरि जपत राहावे
स्वामींच्या चरणांशी बसून राहावे
गीतेची शिकवण ती मुरवी वाटली!३

जे कळले तेच विवर माझिया मना
पावसची ही यात्रा हेच जाण ना
नित्यपाठ स्वामींची मूर्ति भासली!४

श्वासा मन जोडुनिया उंच जायचे
तैसे मग हळुच अता खाली यायचे
यात्रा ही स्वामीकृपे सुरू राहिली!५

रचयिता : श्रीराम बाळकृष्ण आठवले

पावसची ओढ मना फार लागली
👆🏻 ऑडिओ