Wednesday, October 2, 2019

चला मिळूनी सारे गाऊ जय गांधीजी! जय बापूजी..

चला मिळूनी सारे गाऊ
जय गांधीजी! जय बापूजी!

नाव जयांचे मोहनदास
ते स्मरताती श्रीरामास
सद्भावाचा वास अंतरी सांगत बापूजी!१

हसरी मुद्रा बापूंची
चालहि झपझप बापूंची
करा स्वच्छता तनामनाची सांगत बापूजी!२

गरजा करताक्षणी कमी
आनंदाची मिळे हमी
ते हलकेपण सुखद नि शीतल सांगत बापूजी!३

चुका आपल्या जाणाव्या
जगास सगळ्या सांगाव्या
ते उघडपण करते निर्मळ सांगत बापूजी!४

अजून मी मोहाचा दास
मला व्हायचे मोहनदास
सत्कर्माच्या चांदण्यामधे विहरत बापूजी!५

प्रार्थनाच जीवन झाले
मरणाने बापू जगले
श्रीरामाला कल्पनेतुनी दिसले बापूजी!६

रचयिता : श्रीराम बाळकृष्ण आठवले
२२.०५.२००१

No comments:

Post a Comment