जयघोष..

स्वामी स्वरूपानंद जय जय
स्वामी स्वरूपानंद!ध्रु.

आम्हां बसविता अभ्यासाला
मना जोडता तुम्ही श्वासाला
सोsहं लागे छंद!१

आश्वासन देता भक्तासी
स्वरूपास तू सहज पावशी
अद्वय हा मकरंद!२

भावार्थासह वाचा गीता
नित्यपाठ सवयीचा होता
तुटे देहसंबंध!३

जे न बघावे ते अस्तवते
जे न वदावे विलया जाते
लाभे परमानंद!४

वैराग्याचे साह्य लाभते
अभ्यासाची सवय लागते
मन गाई बेबंद!५

रचयिता : श्रीराम बाळकृष्ण आठवले
जयघोष
👆🏻 ऑडिओ