धन्वंतरी तू परतुन ये..

धन्वंतरी तू परतुन ये
भयभीता निर्भय कर ये!ध्रु.

कशास भ्यावे मरणाला
जो भ्याला शतदा मेला
झगडण्यास शक्ती दे ये!१

रडवेपण संपताक्षणी
स्मित फुलले वदनोवदनी
पालट हितकर घडवत ये!२

दोष शोषते जळू जशी
औषध दे आणून खुशी
आनंद वितरत ये रे ये!३

शरीर उसने भूषण हे
लाडाने ओझे झाले
पगडा त्याचा उतरत ये!४

घोर निराशा दूर करी
अमृतधारा बरस तरी
आयुर्विद्या शिकवत ये!५

रचयिता : श्रीराम बाळकृष्ण आठवले