आरती श्रीमहाराजांची!

आरती श्रीमहाराजांची! नामाची!
नामावरल्या प्रेमाची!ध्रु.

श्रीराम जय राम जय जय राम
येता जाता घ्यावे नाम, मन सुखधाम
गुरुकिल्ली आनंदाची!१

प्रपंच परमार्थाची शाळा
शिकण्यासाठी जन्म आपला
हौस नवनवे शिकण्याची!२

दोष न बघता, गुणच बघावे
गुणच बघावे सांगत जावे
ही पूजा श्रीरामाची!३

प्रवचन वाचन तसे आचरण
रघुरायाचे प्रसन्न दर्शन
शिकवण श्रीमहाराजांची!४

गोंदवले ये घरी आणता
नाम स्मरता पावन होता
कृतार्थता लाभायाची!५

रचयिता : श्रीराम बाळकृष्ण आठवले
१५.७.२०००