Friday, January 10, 2020

विनवणी

ही हात जोडुनी एक विनवणी तुजला
आरोग्य हवे रे तनामनाचे मजला!ध्रु.

खळमळ हे सारे  नित्य निघुनिया जावे
जे पथ्य नि पोषक ते आहारी यावे
मन देही गुंते अडचण ही गोपाला!१

पाउले चालण्या दूर दूर जाऊ दे
हात हे राबण्या कर्तव्यास भिडू दे
धर्म हाच राजा कळेल कैसे मजला!२

नामाची गोडी ऐसी लावी काही
मनपण हे अलगद मना सोडुनी जाई
तो भाव पाहिजे अंतःकरणी रुजला!३

हा देहच छळतो विसर पडे पाठाचा
तो देव मागतो लक्ष कुंठते वाचा
आजार करी बेजार निवेदन तुजला!४

पोसणे शोषणे ऐसे का रे होते
अज्ञानसागरी कितिदा खावे गोते
धावा या कवनातून असा सुरु केला!५

रचयिता : श्रीराम बाळकृष्ण आठवले
२६.०८.२००१

No comments:

Post a Comment