आई योगेश्वरी यावे
माझ्या देही विलसावे ! ध्रु.
माझ्या देही विलसावे ! ध्रु.
शक्ति युक्ति तू, भक्ति नीति तू
प्रीतिरीति तू, स्फूर्ति तीहि तू
अद्भुत खेळा मांडावे! १
रंगावलि तू, दीपावलि तू
रागावलि तू, नामावलि तू
शब्द तू सुचवत मज जावे! २
सरो वासना धनविभवाची
विवंचनाही नको कशाची
कोण मी रहस्य उकलावे! ३
कोकणात तू, देशावर तू
विदर्भात तू, गोव्यातहि तू
शांतते शीतलते यावे! ४
तटिनी भगिनी उषा नि रजनी
अशनी शयनी मनी नि वदनी
तुला मज ओळखता यावे! ५
भगवद्गीता सप्तशती ती
नाथभागवत तुझी कृती ती
अध्ययन अवश्य घडवावे! ६
हवे नको ते तूच जाणशी
कल्याणाचे साधुन देशी
अंबिके दयावती यावे! ७
रचयिता : श्रीराम बाळकृष्ण आठवले
No comments:
Post a Comment