Thursday, July 13, 2023

कळेना कैसा भगवंत?

नामे रूपे जे नटले ते विश्व मधुर भासत
कळेना कैसा भगवंत?ध्रु.

जोर अनावर या विषयांचा
परमार्थहि कडु लागायाचा
पुरी वाताहात!१

क्षणभंगुर विषयांत रंगली
वृत्ति विष्णुरूपी नच रमली
लज्जा नच वाटत!२

विकारविलसित उडवी दैना
गढूळ जीवन तृषा शमेना
जीव खुळा रडत!३

रचयिता : श्रीराम बाळकृष्ण आठवले
२९.०३.१९७४

विषय विषाचा पडिपाडू
गोड परमार्थु लागे कडू
कडू विषय तो गोडू
जीवासी जाहला
या ज्ञानेश्वरीतील ओवी वर आधारित काव्य. स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन ९६ वर आधारित काव्य.)

No comments:

Post a Comment