कर्मयोग सोपा!

कर्मयोग सोपा सकळा! 
कर्मयोग सोपा!ध्रु.

जाणत्यास, नेणत्यास
पैलतीरा नेतो खास
चित्तशुद्धि नकळत करतो
निवारुनी तापा!१

नदी पाण्याने भरली
स्त्रिया मुले संगे असली
होतो स्वये नौका जणु तो
ओलांडीत आपा!२

कर्मयोगाची ही वाट
परब्रह्मा नेते थेट -
साधकास सांगे देव
मारुनिया हाका!३

रचयिता : श्रीराम बाळकृष्ण आठवले
२९.०१.१९७४

(तरी जाणा नेणा सकळा
हा कर्मयोगु कीर प्रांजळा
जैसी नाव स्त्रिया बाळा
तोय तरणी

या ज्ञानेश्वरीतील ओवीवर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन ३७ वर आधारित काव्य)