नामास आदि नाही, नामास नाही अंत!

नामास आदि नाही, नामास नाही अंत!ध्रु.

शिव रामनाम घेतो
भजनात दंग होतो
नामात 'तो ' पहावा हे सांगतात संत!१

वेदांस वर्णवेना
नामास सोडवेना
हे प्रेमसूत्र ऐसे जे बांधिते अनंत!२

मन शुद्ध होत जाते
मन शांत शांत होते
मनि पूजिणे प्रभूला राहूनिया निवांत!३

रचयिता : श्रीराम बाळकृष्ण आठवले
गोंदवलेकर महाराज प्रवचन क्रमांक २०३, २१ जुलै वर आधारित काव्य.

इतर साधनांनी लवकर साधल्यासारखे वाटेल पण ते तात्पुरते असते. नामाने थोडा उशीर लागेल, पण जे साधेल ते कायमचे साधेल, कारण नामाने मुळापासून सुधारणा होते.