सहभोजन रंगले! रंगले! सहभोजन रंगले!ध्रु.
पंक्तीमागुनि पंक्ती उठती
गप्पासप्पा मुदे चालती
भेद सर्व विरले! रंगले! सहभोजन रंगले!१
पतित न कोणी सगळे पावन
हसे अंतरी श्रीनारायण
फुलली मोदफुले! रंगले! सहभोजन रंगले!२
घ्या हो! घ्या हो! आग्रह चाले
कृतार्थतेने डोळे भरले
सुतक युगांचे फिटले! रंगले! सहभोजन रंगले!३
पर्वकाल पातला पातला
स्नेहमळा बहरला बहरला
अंतरंग धवळले! धवळले! सहभोजन रंगले!४
अनुकरणीय स्तुत्य कल्पना
समाजकार्या मिळे चालना
मानस परिमळले! रंगले! सहभोजन रंगले!५
सुधारणेचे अमोघ साधन
स्नेहभोजनाचे संयोजन
आत्मतत्त्व कळले! रंगले! सहभोजन रंगले!६
मनामनांची खुलली दारे
घरोघरी तर हसले तारे
भेदभाव संपले! रंगले! सहभोजन रंगले!७
रचयिता: श्रीराम बाळकृष्ण आठवले
(सावरकरांनी रत्नागिरी मधे जे समाज सुधारणेचे कार्य केले त्यातील सहभोजनांवर आधारित हे काव्य)
No comments:
Post a Comment