राम कर्ता जाणुनी हे संत जगती वागती!
भोग मोदे भोगती!ध्रु.
भोग मोदे भोगती!ध्रु.
मीपणा केव्हाच सुटला
मोकळा आनंद लुटला
नामि प्रेमा ठेवुनीया षड्रिपूंना जिंकती!१
चित्त स्थिर झाले कधीचे
जाहले ते श्रीपतीचे
नाम वदनी, स्नेह-सदनी ते सुखाने राहती!२
गुंतती ते ना कुठेही
राहती जरि विश्वगेही
ते विदेही मुक्तिसौख्या याच देही मिळविती!३
रचयिता : श्रीराम बाळकृष्ण आठवले
राम कर्ता हे जाणून चित्ती। जगात संत ऐसें वर्तती॥
गोंदवलेकर महाराज यांची प्रवचने मधील प्रवचन क्रमांक २१२ (३० जुलै) वर आधारित काव्य.
