Sunday, November 15, 2015

आचार्य विनोबा भावे

१५ नोव्हेंबर हा आचार्य विनोबा भावे यांचा निर्वाण दिन त्यांना तरुण भारत मध्ये १९८४ साली श्रीराम बाळकृष्ण आठवले यांनी वाहिलेली ही सुभाषित रुपी श्रद्धांजली..


गीतानुवादः सरलः सुबोध:
कारागृहे ज्ञानदानं प्रवृत्तम् ।
सर्वोदये केन्द्रितचित्तवृत्तिः
भूदानयज्ञो ’भावे’ प्रयोगः ॥

अर्थ :
गीताई हा अत्यंत सुबोध असा गीतेचा समश्लोकी अनुवाद, कारागृहात केलेली गीता प्रवचने, सर्वोदयावर केंद्रित केलेले मन आणि भूदान यज्ञाची कल्पना हे सर्व जनसेवाकार्यातला एक ’भावे’ प्रयोगच म्हणायचा.  

Sunday, November 1, 2015

"नारायण नारायण" मंत्र जपावा......






"नारायण नारायण" मंत्र जपावा 
मुक्तीचा मंत्र हाच ओठी असावा । धृ 

नारायण नारायण जपत राहावे 
विश्वच हे भक्ताला हरिमय व्हावे 
नारायण नाम हाच परम विसावा । 

द्वेषाला द्वेषच फळ प्रेमाला प्रेम 
आत्म्याच्या चिंतनास नामगान नेम 
भजने नर नारायण सहज घडावा । 

सत्याचा आग्रह हा निर्भय बनवी 
देहाचा देहपणा निमिषि लोपवी 
नारायण नामाचा छंद जडावा । 

नामी या बळ प्रचंड दिव्य  औषधी 
ती घेता काय करत आधिव्याधी 
प्रल्हादहि सकळांचा बंधु बनावा । 

द्रव्याचे सत्तेचे मद्य कशाला ? 
नामी जो बुडलेला तो तर तरला 
'मी विष्णु' अनुभव हा सहज मिळावा । 

# श्री सद्गुरु नारायण महाराज, बेट केडगाव