अध्याय ४ - कर्मब्रह्मार्पणयोग
करी गीतापाठ संस्कृत प्राकृत
अंतरी पहाट होईल बा
साधुंना रक्षाया दुष्टांना नाशाया
धर्म स्थापावया जन्म घेतो
दिव्य जन्मकर्म सूज्ञ जाणे मर्म
पुन्हा त्या न जन्म मिळे मज
फली आस नाही कर्मबाधा नाही
हे जो जाणे त्याही बंध कैचा?
झाला निरासक्त सत्कर्मा प्रवृत्त
तोच आत्मतृप्त निरामय
स्वकर्म करावे अंती ज्ञान घ्यावे
रामा वाटे ज्ञान अनमोल
No comments:
Post a Comment