अध्याय ७ - ज्ञानविज्ञानयोग
करी गीतापाठ संस्कृत प्राकृत
अंतरी पहाट होईल बा
एखादाच कोणी लाखो सिद्धांतुनी
ज्ञान मिळवुनी धन्य होतो
जगाचा निर्माता पाळिता पोषिता
तसा तो संहर्ता जगन्नाथ
शशिसूर्यप्रभा वेदांती ॐकार
सुबुद्धात बुद्धी मीच आहे
गुणातीत व्हावे निर्गुणा जाणावे
पुण्यवंत पावे मोक्षपद
वासुदेव सर्व तारक हा भाव
कृष्णभक्त राम शांत स्वस्थ
No comments:
Post a Comment