मी पुसता तुज
मी पुसता तुज होशिल का मम
नयन भूवरी खिळले
सखि मज तुझे मनोगत कळले !ध्रु.
खुले कपोली प्रणयरक्तिमा
नयनी दिसे तव रम्य नीलिमा
बघता लाजुन जाई चंद्रमा
पदराशी चाळा चाले !१
प्रणयभाव वसत मनि या
रोमांचे हो पुलकित काया
गूढ भावना व्यक्त कराया
तुझे अधर थरथरले ! २
हातामध्ये हात गुंफुनी
मूकभावना नयनि आणुनी
यौवनाचिया रम्य उपवनी
हो शुभमंगल अपुले ! ३
- श्रीराम बाळकृष्ण आठवले
१९५५
No comments:
Post a Comment