शुभमंगल सावधान!
शुभमंगल सावधान। शुभमंगल सावधान!ध्रु.
युवकाचे युवतीशी
युवतीचे युवकाशी
नाते ये आज जुळुन!१
धर्म, अर्थ, काम यात
निष्ठा ही जपत सतत
चलत रहा गात गान!२
सातत्यहि वंशाचे
वरदानच हे श्रींचे
श्रवण मनन करी सुजाण!३
द्वंद्व दिसे, तरिहि नसे
सावध तो कधि न फसे
सोsहंचे सहज स्मरण!४
साधुनिया तो मुहूर्त
अंत:पट दूर होत
आत्म्याचे घ्या दर्शन!५
कौटुंबिक मधुजीवन
विसरवते माझेपण
अद्वयत्व ये उमलुन!६
नरनारी उभय हरी
सप्तपदी बोध करी
संसारी सुखद जाण!७
- श्रीराम बाळकृष्ण आठवले.
No comments:
Post a Comment