रामदास कुलगुरु आम्ही विद्यार्थी त्यांचे....

रामदास कुलगुरु आम्ही विद्यार्थी त्यांचे!
विद्यार्थी त्यांचे!ध्रु.
निर्भय होऊ समर्थ होऊ
संघटनेचे सैनिक होऊ
उत्कटतेने पाठ गिरवुया लोकसंग्रहाचे!१
साक्षेपे गुण जोडत जाऊ
आत्मारामा अंतरि पाहू
आमंत्रण घेऊ सदैवच आम्ही साहसाचे!२
परोपकारी देह झिजावा
यत्नदेव यत्ने पूजावा
दिवसा रात्री घोकत राहू नाम राघवाचे!३
क्षात्रत्वाचे अंतरि स्पंदन
ब्राह्मतेजही टाकी भारुन
पुण्यालाही देऊ पाठबळ परम प्रतापाचे!४
परोपरीचे जन मिळवावे
एकविचारे त्या भारावे
शिवशक्तीचे मंगलमीलन स्वप्न साधकांचे!५

रचयिता : श्रीराम बाळकृष्ण आठवले
२६.०४.१९७६

रामदास कुलगुरु आम्ही विद्यार्थी त्यांचे..
👆🏻 ऑडिओ