अर्जुन केवळ निमित्त आहे
गीता तुमच्या माझ्यासाठी
गीताई सगळ्यांच्यासाठी!
गीता तुमच्या माझ्यासाठी
गीताई सगळ्यांच्यासाठी!
खचलेल्याला हिंमत देते
झुंजाया प्रोत्साहन देते
जय की पराजय गौणच गोष्टी!
आपण कर्तव्यास भिडावे
फलाशेत ना कधी गुंतावे
यज्ञ म्हणुन गौरवी जगजेठी!
भगवंताच्या अधरी पावा
त्यास हवा तो स्वर निपजावा
आपण साधन संत समजती!
अहंकार पुरताच लोपला
सोऽहं मनगाभारी घुमला
आत्मचिंतनी रंगे सुमती!
लढुन मरावे, मरुन जगावे
कीर्तिमंत, यशवंत बनावे
गीता गावी जगण्यासाठी!
विकारांवरी मात करावी
यत्ने मिळवू संपद् दैवी
धर्म तिथे जय खचित शेवटी!
रचयिता : श्रीराम बाळकृष्ण आठवले
२६.१०.२००४
No comments:
Post a Comment