हवे हवेसे फॅमिली डॉक्टर!ध्रु.
कौटुंबिक जिव्हाळा देती
अवघड सोपे करुन सांगती
सदा रुग्णहिततत्पर
हवे हवेसे फॅमिली डॉक्टर!१
नेमकेच ते जाणुन घेती
मनापासुनी पथ्य सांगती
संयम सदैव सुखकर
हवे हवेसे फॅमिली डॉक्टर!!२
आरोग्याची सूत्रे सुचती
रुग्णाला उत्तेजन देती
बोधप्रद प्रश्नोत्तर
हवे हवेसे फॅमिली डॉक्टर!३
विश्वासे विश्वास वाढला
तरीच निम्मा रोग पळाला
हासु करी छू:मंतर
हवे हवेसे फॅमिली डॉक्टर!४
रचयिता : श्रीराम बाळकृष्ण आठवले
२२.११.२००३
No comments:
Post a Comment