माणुसकीने वाग माणसा
साई सांगतो!ध्रु.
साई सांगतो!ध्रु.
हिंदु- मुस्लिम- शीख - इसाई
देह सारखा भेदच नाही
अभेद दाखवितो!१
उदी कपाळी लावा आता
राखच अंती सत्य तत्त्वतः
विरक्ति बाणवतो!२
घेउनि झोळी भिक्षा मागत
निमित्त भिक्षा, दुनिया पाहत
दत्तगुरु फिरतो!३
टोचुन खोचुन नकाच बोलू
खाल कुणाची नकाच सोलू
प्रेमपाठ देतो!४
हृदय मंदिरी देव राहतो
तो चालवितो तोच करवितो
एकनिष्ठ करतो!५
रचयिता : श्रीराम बाळकृष्ण आठवले
११.१०.१९७८
:
:
No comments:
Post a Comment