दयाळू, कृपाळू माझा ज्ञानेश्वर!ध्रु.
ज्ञानेश्वर, ज्ञानेश्वर!!
ज्ञानेश्वर, ज्ञानेश्वर!!
आनंदाचा कंद हा
बोधाचा मकरंद हा
मनाचा मवाळू माझा ज्ञानेश्वर!१
आत्मानंदी दंग हा
भक्ति सागरी डुंबत हा
मायमाऊली ज्ञानेश्वर, ज्ञानेश्वर!२
गीता सांगे सकलांसी
घास भरवितो बालांसी
परब्रह्म हा ज्ञानेश्वर, ज्ञानेश्वर!३
महाविष्णुचा अवतार
सखाच माझा साचार
योगिराज हा ज्ञानेश्वर ज्ञानेश्वर!४
बालपणी जे सोशियले
तेच पुढे ग्रंथी दिसले
सोशिकपण श्री ज्ञानेश्वर ज्ञानेश्वर!५
अद्वयवैभव भोगत हा
नाथपंथिचा यात्री हा
चिंतामणि श्री ज्ञानेश्वर, ज्ञानेश्वर!६
युगांतदुःखा प्राशियले
प्रखर विरागा साहियले
मुळी मुक्त हा ज्ञानेश्वर, ज्ञानेश्वर!७
रचयिता : श्रीराम बाळकृष्ण आठवले
८.९.१९७६
No comments:
Post a Comment