रे मना कधीही एकांती बैसावे
देहातच रामायण ऐकावे गावे!ध्रु.
तो आत्मा अंतरि वसला आहे राम
घे सतत मुखाने श्रीरामाचे नाम
वाल्मीकी आपण सुखे सुखे समजावे!१
तव हातपाय हे रघुनाथाचे भाऊ
भक्ती जी चित्ती तीत जानकी पाहू
नित त्या उभयांचे चरणकमल वंदावे!२
रावण तो कपटच कामक्रोध गणावा
परि बिभीषण खरा पापभिरू समजावा
तो विवेक, अंती विजयी होई स्वभावे!३
करी चिंतन त्याला कोडी उलगडतात
तो करी न कसल्या दुर्घटनांची खंत
नर पराधीन हे मनी धरून चलावे!४
मोहाने अवचित मात मनावर केली
ती सती अहल्या शिळाच होउन पडली
धरी रामचरण तो पावन हो समजावे!५
हे शरीर नश्वर साधन परमार्थाचे
ते ज्याचे त्याच्या हाती निरवायाचे
भूमीत सितेने जळि रघुनाथे जावे!६
जे ग्रामराज्य ते रामराज्य होताहे
ग वगळा सुज्ञा सहजच समजत आहे
मी माझे जावे तू नि तुझे उमलावे!७
रचयिता : श्रीराम बाळकृष्ण आठवले
देहातच रामायण ऐकावे गावे..
👆🏻 ऑडिओ
देहातच रामायण ऐकावे गावे!ध्रु.
तो आत्मा अंतरि वसला आहे राम
घे सतत मुखाने श्रीरामाचे नाम
वाल्मीकी आपण सुखे सुखे समजावे!१
तव हातपाय हे रघुनाथाचे भाऊ
भक्ती जी चित्ती तीत जानकी पाहू
नित त्या उभयांचे चरणकमल वंदावे!२
रावण तो कपटच कामक्रोध गणावा
परि बिभीषण खरा पापभिरू समजावा
तो विवेक, अंती विजयी होई स्वभावे!३
करी चिंतन त्याला कोडी उलगडतात
तो करी न कसल्या दुर्घटनांची खंत
नर पराधीन हे मनी धरून चलावे!४
मोहाने अवचित मात मनावर केली
ती सती अहल्या शिळाच होउन पडली
धरी रामचरण तो पावन हो समजावे!५
हे शरीर नश्वर साधन परमार्थाचे
ते ज्याचे त्याच्या हाती निरवायाचे
भूमीत सितेने जळि रघुनाथे जावे!६
जे ग्रामराज्य ते रामराज्य होताहे
ग वगळा सुज्ञा सहजच समजत आहे
मी माझे जावे तू नि तुझे उमलावे!७
रचयिता : श्रीराम बाळकृष्ण आठवले
देहातच रामायण ऐकावे गावे..
👆🏻 ऑडिओ
