श्रीनारायण महाराज ! जय जय नारायण महाराज!ध्रु.
भगवंताने तुला निवडले, बजाव तुझिया मनास पहिले
भाग्य तुझे की भक्तिपथावर नकळत पडती पुढे पाउले
बंधन छे छे नियम हिताचे पाळ सोडुनी लाज!१
वेदाध्ययने जे जे जमते ते ते नामस्मरण साधते
सहनशीलता तनात येते, मना उलटवी नामच बनते
मार्दव संभाषणी, दृष्टितुन सुधा सर्वदा पाज!२
दत्तराज आवडते दैवत जनात अथवा वनात सोबत
गानकला या मना नीववत, शांति नसे क्षणभर ही सोडत
सीमा सगळ्या पुसून जातिल, अवनीवर गुरुराज!३
सीमा सगळ्या पुसून जातिल, अवनीवर गुरुराज!३
चुकून कोणाचा ना मिन्धा मनात जपतो हरिगोविंदा
संध्यावंदन सुसंधि साधा, बरवा कल्याणाचा धंदा
सत्यनारायण व्रत चढवी दिव्यप्रभेचा साज!४
रचयिता : श्रीराम बाळकृष्ण आठवले
२४.०३.२००४
