स्वामी समर्थ यावे हो मजला भेटी द्यावी हो
दर्शन सुख द्या स्वामी हो लळे आगळे पुरवा हो १
दर्शन सुख द्या स्वामी हो लळे आगळे पुरवा हो १
फुटले वारुळ दिसला हो निळ्या प्रकाशी हसला हो
हसला अंतरि आला हो श्वासोच्छ्वासी भरला हो २
दत्तदिगंबर स्वामी हो अवधूत श्रीस्वामी हो
अलख निरंजन स्वामी हो भवभयभंजन स्वामी हो ३
तुमचे डोळे खिळलेले प्रकाश वर्षत असलेले
विशुद्ध मन्मन झाले हो भक्तीने परिमळले हो ४
विनवू कैसा मी स्वामी वर्णू कैसे मी स्वामी
कर जुळले माझे स्वामी पदी स्थान द्या मज स्वामी ५
स्वामी तुमचे गुण गावे मने मनाशी बोलावे
प्रबोधनाला बळ यावे कीर्तनरंगी रमवावे ६
अनन्यभावे जो भजतो त्याची चिंता मी करतो
योगक्षेमहि मी बघतो अनंत कानी हे वदतो ७
आश्वासन लाभे मजला रोमरोम मग फुललेला
झरा भक्तिचा झुळझुळला फुलला बगिचा पानमळा ८
आजानुबाहु स्वामी हो लंबोदर श्री स्वामी हो
प्रणतवत्सले स्वामी हो सेवा करवुन घ्यावी हो ९
रचयिता : श्रीराम बाळकृष्ण आठवले
