आज श्री रामदास नवमी. त्यानिमित्त दिवाळीमध्ये प्रकाशित केलेल्या माझ्या वडिलांच्या गाण्यांच्या (अण्णांची गाणी) ध्वनिमुद्रिकेतील "श्री समर्थ रामदास नित्य वंदितो" हे गाणे. गायक आहेत प्रसिद्ध राष्ट्रीय कीर्तनकार श्री चारुदत्त आफळे.
श्रीसमर्थ रामदास नित्य वंदितो ! ध्रु.
यत्न देव थोरला
साधकास दाविला
त्या प्रभूस कर्मपुष्प नित्य अर्पितो ! १
स्वस्वरूपज्ञान ते
अमृतत्व पाजते
निश्चयास येत धार नित्य पाहतो ! २
ना निराश व्हायचे
रडायचे कुढायचे
जिद्द अंगी चेतली ठाम ठाकतो ! ३
दासबोध वाचनी
ध्यानि आणि चिंतनी
श्रीसमर्थ बोलती बोल ऐकतो ! ४
बिंदु सिंधु होतसे
व्यक्ति राष्ट्र होतसे
संघकार्य हेच हे भाव बाणतो ! ५
आत्मदेव चोरला
अंतरंगि शोधला
तोच तोच तोच मी! सत्य जाणतो ! ६
रचयिता : श्रीराम बाळकृष्ण आठवले
No comments:
Post a Comment