ये नववर्षा -
जगताच्या या उंबरठ्यावर
नको धरू संकोच कशाचा
सिद्ध आज मी तुझ्या स्वागता!
मला न माहित -
काय लपविशी अपुल्या उदरी
गूढ गुपीते -
असो प्रीतिच्या वा शांतीच्या
अमृतधारा
असोत किंवा
अती भयंकर युद्धाच्या
धगधगत्या ज्वाळा!
मला आढळे
तुझ्या मुखावर
मिस्किलतेचा भाव आगळा!
इतुके परि तू
मनात बाळग
हे नववर्षा -
असो सुखाचा अमृत प्याला
वा दुःखाचा चषक विषाचा
प्राशिन अगदी शांतपणाने
स्थितप्रज्ञ मी नव्या युगाचा!
- श्रीराम बाळकृष्ण आठवले
१ जानेवारी १९५७
जगताच्या या उंबरठ्यावर
नको धरू संकोच कशाचा
सिद्ध आज मी तुझ्या स्वागता!
मला न माहित -
काय लपविशी अपुल्या उदरी
गूढ गुपीते -
असो प्रीतिच्या वा शांतीच्या
अमृतधारा
असोत किंवा
अती भयंकर युद्धाच्या
धगधगत्या ज्वाळा!
मला आढळे
तुझ्या मुखावर
मिस्किलतेचा भाव आगळा!
इतुके परि तू
मनात बाळग
हे नववर्षा -
असो सुखाचा अमृत प्याला
वा दुःखाचा चषक विषाचा
प्राशिन अगदी शांतपणाने
स्थितप्रज्ञ मी नव्या युगाचा!
- श्रीराम बाळकृष्ण आठवले
१ जानेवारी १९५७
No comments:
Post a Comment