कस्तुरबांनी गांधीजींची आयुष्यभर सोबत केली. तुरुंगातच त्या साध्वीचे निधन झाले. गांधीजींसारखा स्थितप्रज्ञ माणूसही दुःखावेगाने हादरुन गेला. अश्रू लपविताना फार अवघड गेले. बा गेली. स्मृतीचा कस्तुरी गंध दरवळला!
जीवनसंगिनी सोडुनि जाता
जगी एकला, जगी एकला
कस्तुरिगंधे दिशा सुगंधित
जीव का परि व्याकुळ झाला?
आजवरी करुनी मम सोबत
गुरूच झाली माझी नकळत
अर्धांगिनी सुभगा सावित्री
कसा पुकारू विजनी तिजला!
मोहनद्वारी तुळसमंजिरी
सेवा जणु की ती तनुधारी
भयद शून्यता ग्रासतसे मज
एकमेव आधारही तुटला!
पतिव्रतेच्या पुण्याईने
झाले जरि जन्माचे सोने
मला वाटते लोह मीच परि
तिच्याच रूपे परिस हरवला!
आश्रमात ती होती माता
वनवासिनि वैदेही सीता
ती जाता परि जीवनयज्ञि
राम न उरला! राम न उरला!
सत्त्वपरीक्षा देवा बघसी
एक प्रार्थना तव चरणांशी
जन्मोजन्मी हीच सती दे
दीनानाथा या दीनाला!
गतजन्मीचे माझे सुकृत
म्हणुनि लाभली पवित्र संगत
मितभाषण अन् शांतवृत्तिचा
ठेवा स्वकरे मजला दिधला!
उरले सुरले दिवस सरावे
पक्व फळापरि गळुनी पडावे
वज्राघात मुळी न सहवे
पंचप्राण ते होती गोळा!
जगी एकला! जगी एकला!
रचयिता : श्रीराम बाळकृष्ण आठवले
जीवनसंगिनी सोडुनि जाता
जगी एकला, जगी एकला
कस्तुरिगंधे दिशा सुगंधित
जीव का परि व्याकुळ झाला?
आजवरी करुनी मम सोबत
गुरूच झाली माझी नकळत
अर्धांगिनी सुभगा सावित्री
कसा पुकारू विजनी तिजला!
मोहनद्वारी तुळसमंजिरी
सेवा जणु की ती तनुधारी
भयद शून्यता ग्रासतसे मज
एकमेव आधारही तुटला!
पतिव्रतेच्या पुण्याईने
झाले जरि जन्माचे सोने
मला वाटते लोह मीच परि
तिच्याच रूपे परिस हरवला!
आश्रमात ती होती माता
वनवासिनि वैदेही सीता
ती जाता परि जीवनयज्ञि
राम न उरला! राम न उरला!
सत्त्वपरीक्षा देवा बघसी
एक प्रार्थना तव चरणांशी
जन्मोजन्मी हीच सती दे
दीनानाथा या दीनाला!
गतजन्मीचे माझे सुकृत
म्हणुनि लाभली पवित्र संगत
मितभाषण अन् शांतवृत्तिचा
ठेवा स्वकरे मजला दिधला!
उरले सुरले दिवस सरावे
पक्व फळापरि गळुनी पडावे
वज्राघात मुळी न सहवे
पंचप्राण ते होती गोळा!
जगी एकला! जगी एकला!
रचयिता : श्रीराम बाळकृष्ण आठवले
No comments:
Post a Comment