कशासाठी? पोटासाठी..

घास प्रेमे छोटा घाला अपुल्या पोटाला
चोचले न पुरवा रसनेचे कराल घोटाळा!ध्रु.

जीवन अवलंबून उदरावर
नका हादडू देउन ढेकर
मर्यादांचा शेला बांधा कसून कमरेला!१

नाम घेत हरिचे जेवा
अन्नग्रहण ही प्रभुसेवा
तरच लागते अन्नहि अंगी गिरवा पाठाला!२

यज्ञकर्म हे ध्यानी घ्यावे
शिकून आधी मग शिकवावे
पोटच परमेश्वर देव्हारा पथ्याला पाळा!३

रचयिता : श्रीराम बाळकृष्ण आठवले
२७.०१.२००४
(फॅमिली डॉक्टर मधील सदर वाचून सुचलेली कविता)