हे प्रायश्चित्तच पवित्रतम पापाचे

कळलेली आम्हा मृत्युतिथी आधीच

गुंडाळुन गाशा सिद्ध मित्र केव्हाच

वध तुमचा करता वैरभाव नच चित्ती 

ती अटळच घटना भाळी लिहिली होती

अपकीर्ती होवो सूखेनैव, दोघांचे -

हे प्रायश्चित्तच पवित्रतम पापाचे !१

हा खंडित भारत पुनरपि व्हावा एक
जय हिंदुराष्ट्र घनगर्जन करि प्रत्येक
हा मंगल प्रातःसमय बोलवत आहे
यमराज भेटिची ओढ वाढते आहे
हे पुष्पहार नच दोरखंड फासाचे
हे प्रायश्चित्तच पवित्रतम पापाचे !२

शासनार्ह दोघे यात न शंका काही
म्हणूनीच क्षमेची मनी अपेक्षा नाही
बलिदान घडे बहुमान, देह हे समिधा
हा देश कृष्ण तर आम्ही दोघे राधा
सिंधूत पडो मम रक्षा स्वप्न मनीचे
हे प्रायश्चित्तच पवित्रतम पापाचे !३