माउलीचा हरिपाठ

माउलीचा हरिपाठ
विठ्ठलाला देत वीट
हरि हरि म्हणताना
संसार ही घडे नीट १

माऊलीची शिकवण
हरि मुखे म्हण म्हण
होशी मोकळा आतून
बंध जातात सुटून २

माऊलीचा सहवास
घर होतसे आळंदी
माझे तुझे सारे संपे
जो तो एकमेका वंदी ३

माऊलीचा जो जिव्हाळा
भाग्यवंतास लाभला
ज्ञाना स्वये देव झाला
ओवी ओवीत दिसला ४

माऊलीचा हा प्रसाद
बळे लिहाया बसवी
गाई एक तरी ओवी
जवळीक अनुभवी ५

ज्ञाना आपण विठ्ठल

शांत सुस्थिर वत्सल
हरिपाठ जे सांगेल
हरि साधका करील ६

रचयिता : श्रीराम बाळकृष्ण आठवले
१०.७.२००३