केशवः संघनिर्माता

केशवः संघनिर्माता
द्रष्टा ज्ञाता च चिंतकः ।
पूजितस्तोषितो तेन
संघरूपः सदाशिवः ॥

अर्थ : प. पू. आद्य सरसंघचालक डॉ. के. ब. हेडगेवार हे राष्ट्रीय स्वयंसेवक संघाचे संस्थापक होत. ते द्रष्टे होते, ज्ञानी होते, ज्ञानी आणि तत्त्वचिंतक होते.  त्यांनी आयुष्यभर संघरुपी सदाशीवाची पूजा केली आणि त्याला प्रसन्न करून घेतले.

रविवार.

आज रविवार.  माझ्या वडीलांनी लिहिलेले आणि तरुण भारत मधे १९८४ साली प्रसिद्ध झालेले हे सुभाषित त्यामुळे आठवले.

रविवार

विश्रांतिदः स्फूर्तिदश्च
सर्वेषो हि मनोहरः ।
आश्वासकस्तु रसिकानां
रोचते रविवासरः ॥

अर्थ : थकल्या जिवांना विसावा देणारा तसेच प्रतिभाशाली कलावंतांना स्फूर्ती देणारा आणि रसिकांना ’आपण आलोच’ असे आश्वासन देणारा रविवार मला फार आवडतो.

ये रे घना

आपण सर्वजण पावसाची आतुरतेने वाट पाहात आहोत. माझ्या वडीलांनी लिहिलेले आणि तरुण भारत मधे १९८५ साली प्रसिद्ध झालेले हे सुभाषित त्यामुळे आठवले.

ये रे घना 

वर्षादेवि कदा वर्षे
तृषिता क्षुधिता धरा ।
शीतं घनं जलं वर्ष
आतुराः सकला जनाः ।

अर्थ : हे वर्षादेवि तू कधी जलवृष्टी करशील? ही पृथ्वी तहानलेली आहे, भुकेजली आहे. तू शीतल जलाचा जोरदार पाउस पाड कारण सगळेच फार आतुरलेले आहेत.