ॐ नमः शिवाय
सदाशिवा मी शरण तुला !
शरण तुला दे अभय मला ! ध्रु.
निर्धन असशी तरी आनंदी
तुला शोभते वाहन नंदी
नागही कंठी तव रुळला ।। १ ।।
डम डम डम डम डमरु वाजे
काळा वरती सत्ता गाजे
हे नटराजा नमन तुला ।। २ ।।
आदिनाथ तू तूच महेश्वर
फणिवरधर तू तू व्याघ्रांबर
शिकवी मजला योग कला ।। ३ ।।
कमंडलूतिल गंगा दे रे
भाविकास सत्संगा दे रे
ने एकांती नित्य मला ।। ४ ।।
संघटनेचा मंत्र शिकव रे
भूतनाथ मज प्रेम पुरव रे
करवुन घे तव कार्याला ।। ५ ।।
स्मशानवासी लाव विभूती
पळवुन लावी सगळ्या खंती
अनासक्त तू कर मजला ।। ६ ।।
****
No comments:
Post a Comment