स्वामी विवेकानंद
गुरुदेवांना माझी ओळख कधीच पटलेली -
देवदर्शना तयांनीच मम वाट खुली केली! ध्रु.
सांगवे न मज ऐसे काही उभयांमधले नाते
आळवताना प्रभूस गीती स्वर जुळलेले होते
त्यांच्या स्पर्शे अनाम असली कैसी जादू केली! १
मनात क्रांती घडून आली अनुभव हा मोलाचा
धडा गिरवला माझ्या नकळत पहिला मी योगाचा
मीपण माझे पार लोपले प्रसन्न झाली काली! २
आईचे मी कार्य कराया जगात या आलो
गुरुकृपेने ध्यानी येता स्वस्वरूप झालो
तीच ईश्वरी माता माझ्या हृदयी प्रकाशली! ३
तिचीच सत्ता जीवनावरी पुरते हे कळले
मी नच माझा मी सकलांचा आतुन जाणवले
प्रार्थनेतला अर्थ समजवे आई महाकाली! ४
ती हालविते बोलविते ती कार्यहि ती करवी
लालनपालन करते आई ज्ञानकवळ भरवी
गुरुकृपेची अशी प्रचीती आली मज आली! ५
रचयिता - श्रीराम बाळकृष्ण आठवले
No comments:
Post a Comment