Thursday, December 6, 2018

ज्ञानदेव चालले!

कृतार्थतेने उजळुन जीवन
ज्ञानदेव चालले! चालले!ध्रु.

आज्ञा मागुन गुरुरायाची
ओढ लागुनी निजधामाची
पुढे पुढे चालले!१

भावार्थाचा दीप लाविला
इकडे तिकडे प्रकाश भरला
ज्ञानसूर्य चालले!२

पिउन हलाहल दिधले अमृत
धन्य माउली धन्य भागवत
क्षमाशील चालले!३

तिन्ही लोक आनंदे भरले
समुद्राकडे जलौघ चाले
साक्षित्वहि संपले!४

श्रीज्ञानेश्वर जय योगेश्वर
तो सत्कविवर गुरु परात्पर
उचलुनिया पाउले!५

रचयिता : श्रीराम बाळकृष्ण आठवले

No comments:

Post a Comment