एक गंमतशीर विषयावरील कविता (म्हंटलं तर)
भांडण
घरोघरी, घरोघरी चालतसे रोज - नवरा बायकोचे भांडण! ध्रु.
तुझे नि माझे पटतच नाही, तुझ्याविना परि करमत नाही
सवंगडी मज ऐकत नाही, कटकट काही सहवत नाही
लग्न तुझ्याशी घोडचूकही - वदती पस्तावुन!१
भांड्यांची मग आदळआपट, नवरोजी मुलखाचे तापट
बंड्याला ते देती चापट, बंड्याही मुलखाचा चावट
बाळ लपे आईच्या मागे - बघतो मग चोरुन!२
मी जातो वकिलाच्यापाशी सोडचिठ्ठी ती देतो तुजशी
खुशाल जा जा माहेरासी तुझीच परवड होई खाशी
पोट परंतु मागे पोळी - वाढ ताट आणुन!३
अहंभाव जो वसे शरीरी कलहाची आणतो सुरसुरी
आदळताती जणु तलवारी, नेत्र ओकती आग विखारी
समेट रंगे निशा दाटता - निसर्ग घे हासुन!४
टाकुन बोला, बोलुन टाका नकोत कसल्या आणाभाका
झाला परि हो रुचकर झुणका, तो खाता लागेलच ठसका
दोन घास घ्या जादा जेवुन, मनास पटली खुण!५
क्रोध वरवरी वाफ कोंडली, जोराने ती वरती गेली
असे भांडता ताकद सरली, विठ्ठलमूर्ती हसली गाली
हरिपाठ घ्या दोघे पठणा - शीतल जल समजुन!६
रचयिता : श्रीराम बाळकृष्ण आठवले
ऑडिओ ऐकण्यासाठी वरील टायटल वर क्लिक करा
भांडण
घरोघरी, घरोघरी चालतसे रोज - नवरा बायकोचे भांडण! ध्रु.
तुझे नि माझे पटतच नाही, तुझ्याविना परि करमत नाही
सवंगडी मज ऐकत नाही, कटकट काही सहवत नाही
लग्न तुझ्याशी घोडचूकही - वदती पस्तावुन!१
भांड्यांची मग आदळआपट, नवरोजी मुलखाचे तापट
बंड्याला ते देती चापट, बंड्याही मुलखाचा चावट
बाळ लपे आईच्या मागे - बघतो मग चोरुन!२
मी जातो वकिलाच्यापाशी सोडचिठ्ठी ती देतो तुजशी
खुशाल जा जा माहेरासी तुझीच परवड होई खाशी
पोट परंतु मागे पोळी - वाढ ताट आणुन!३
अहंभाव जो वसे शरीरी कलहाची आणतो सुरसुरी
आदळताती जणु तलवारी, नेत्र ओकती आग विखारी
समेट रंगे निशा दाटता - निसर्ग घे हासुन!४
टाकुन बोला, बोलुन टाका नकोत कसल्या आणाभाका
झाला परि हो रुचकर झुणका, तो खाता लागेलच ठसका
दोन घास घ्या जादा जेवुन, मनास पटली खुण!५
क्रोध वरवरी वाफ कोंडली, जोराने ती वरती गेली
असे भांडता ताकद सरली, विठ्ठलमूर्ती हसली गाली
हरिपाठ घ्या दोघे पठणा - शीतल जल समजुन!६
रचयिता : श्रीराम बाळकृष्ण आठवले
ऑडिओ ऐकण्यासाठी वरील टायटल वर क्लिक करा
No comments:
Post a Comment