श्रीज्ञानेश्वरी हाती आली
'वाचत जा मज' असे म्हणाली !ध्रु.
'वाचत जा मज' असे म्हणाली !ध्रु.
अक्षर अक्षर सजीव झाले
भाग्य आज मम उदया आले
असे वाटते आज दिवाळी !१
जवळ घेतसे गोड वदतसे
कर्तव्याची जाण देतसे
हितकारिणी ही मायमाउली !२
अवचित नाते जुळून आले
भक्तिरोपटे सुंदर रुजले
शुभ्र फुलांनी ओंजळ भरली !३
मने मनाला जोडुन घ्यावी
विश्वात्मकता सवय बनावी
ओवीने मज भक्ति शिकवली !४
मागायाचे काही न उरले
कृतज्ञतेने मन गहिवरले
सर अश्रूंची झरली गाली !५
रचयिता : श्रीराम बाळकृष्ण आठवले
९.७.२००१
No comments:
Post a Comment