योगिराज अरविंद जय जय!

योगिराज अरविंद जय जय!
भक्तराज अरविंद! ध्रु.

अथांग सागरसम जीवन
किती करावे मी अवगाहन
दृश्याहुनि अदृश्य किती तरी
चरित तुझे अरविंद!१

बोलविता धनी देव मानसी
जीवनसूत्रे तया निरविशी
तुझी अलौकिक योगसाधना 
तू ज्ञानसुखाचा कंद!२

अज्ञानाचे बंध सुटावे
मृत्युपलिकडे नरा दिसावे
सतत स्मरणे प्रसन्नचित्ते
आळविलासि मुकुंद !३

जन्मच अवघा कल्पुनि साधन
घडेल जगती नर नारायण
दिव्य जीवनी परिणति व्हावी
ऐसा धरला छंद!४

रचयिता : श्रीराम बाळकृष्ण आठवले
यमन कल्याण 
ताल धुमाळी