आपुले आपणां झाले विस्मरण!
आपणां आपण पाहणे हे ज्ञान!ध्रु.
आपणां आपण पाहणे हे ज्ञान!ध्रु.
मी कोण? याचा करावा विचार
देहाचा साधकां पडावा विसर
नच घडू द्यावा विकारांनी ताण!१
भवस्वर्गादिकां तिलोदक द्यावे
आत्मसुख लाभो - मनी हे धरावे
उपासावे आधी गुरूचे चरण!२
सोऽहं भजनात होताच तन्मय
झणी एक होती ज्ञाता आणि ज्ञेय
प्रत्यये वदाल हेच आत्मज्ञान!३
रचयिता : श्रीराम बाळकृष्ण आठवले
०८.०८.१९७४
पूरिया, भजनी धुमाळी
एऱ्हवी ज्ञान हे आपुले
परी पर ऐसेनि जाले
जे आवडोनि घेतले
भवस्वर्गादिक
या ज्ञानेश्वरीतील ओवीवर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक १३६ वर आधारित काव्य.
No comments:
Post a Comment