संन्यासाचा अर्थ सांगते श्रीगीतामाता!

संन्यासाचा अर्थ सांगते श्रीगीतामाता!ध्रु.
 
देह नव्हेसी -
तो तू असशी! 
ध्यानी घेई स्वतः!१ 

तू नच कर्ता 
नच तू भोक्ता 
स्वस्थ रहा आता!२ 

नको फलाशा 
धरि जिज्ञासा 
वरि रे सावधता!३ 

सोड अज्ञता
घे अलिप्तता 
वाढवि तव योग्यता!४ 

रचयिता : श्रीराम बाळकृष्ण आठवले
२०.११.१९७४ 

या लागी त्याग संन्यास 
पुसावयाचे घेऊनि मिस 
उपलविले दुस 
गीतेचे ते 

ज्ञानेश्वरीतील या ओवीवर आणि या ओवीवरील स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक १७१ वर आधारित हे काव्य.